ÝUNISEF-iň gurnamagynda geçirilen duşuşyk
2024-nji ýylyň 25-nji oktýabrynda Birleşen Milletler Guramasynyň Çagalar Gaznasynyň (ÝUNISEF) Türkmenistandaky wekilhanasynyň gurnamagynda Türkmenistanyň Bilim ministrliginiň we onuň garamagyndaky edaralaryň hem-de ýokary okuw mekdepleriniň wekilleri bilen “Howanyň üýtgemegine uýgunlaşmak we betbagtçylyklaryň töwekgelçiliklerini peseltmek boýunça okuw maksatnamasy” boýunça duşuşyk geçirildi.
Duşuşygyň çäklerinde “Howanyň üýtgemegine uýgunlaşmak we betbagtçylyklaryň töwekgelçiliklerini peseltmek boýunça okuw maksatnamasy” boýunça orta atylan teklipler ara alnyp maslahatlaşyldy. Şeýle hem maksatnamanyň çäklerinde adatdan daşary ýagdaýlara taýýarlyk görmek üçin ýerli mümkinçiliklerden peýdalanmak boýunça meselelere seredildi.
Duşuşygyň dowamynda Türkmenistanyň ÝUNISEF bilen hyzmatdaşlygy ösdürmek boýunça alyp barýan işlerine ýokary baha berildi.
Wepa ARNAMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň IV ýyl talyby.