Türkmenistanyň diplomatiýasynyň möhüm ugurlary okuw merkeziniň “Suw diplomatiýasy” ugry boýunça nobatdaky okuw sapagy
2021-nji ýylyň 2-nji noýabrynda Türkmenistanyň Daşary işler ministrliginiň Halkara gatnaşyklary institutynda döredilen Türkmenistanyň diplomatiýasynyň möhüm ugurlary boýunça okuw Merkezinde Türkmenistanyň Prezidentiniň suw diplomatiýasy boýunça halkara başlangyçlaryny gönüden-göni öz işlejek pudaklarynda amala aşyrjak hünärmenleriň bu ugurdan okuw-usulyýet, şertnama-hukuk, ylmy taýdan habarlylygyny artdyrmak maksady bilen Suw diplomatiýasy ugry boýunça fakultatiw okuwlara gatnaşýan diňleýjileriň nobatdaky okuw sapagy geçirildi. Bu okuw sapagyny Türkmenistanyň Daşary işler ministrliginiň Halkara guramalar departamentiniň geňeşçisi, Adatdan daşary we doly ygtyýarly Ilçi M.Akmyradow alyp bardy. Sapagyň dowamynda Suw diplomatiýasynyň halkara gatnaşyklary ulgamyndaky ähmiýeti we wajyp orny hem-de BMG-niň howanyň üýtgemegi boýunça geçirilýän 26-njy halkara maslahaty barada giňişleýin gürrüň edildi.Mälim bolşy ýaly, «Türkmenistanyň daşary syýasat ugruny durmuşa geçirmegiň 2017-2023-nji ýyllar üçin Konsepsiýasynda» esasy ugurlaryň içinde Durnukly ösüşe ýardam berýän energetika, ulag, suw meseleleri hem özüniň mynasyp beýanyny tapýar. Türkmenistanyň daşary syýasatynyň we diplomatiýasynyň möhüm ugurlary häzirki zaman şertlerinde sebit hem-de dünýä derejesindäki derwaýys meseleleri çözmek ugrundaky bilelikdäki halkara tagallalara işjeň goşant goşmaga gönükdirilendir. Bu günki geçirilen okuw sapagy BMG-niň Glazgo şäherinde geçirilýän Howanyň üýtgemegi boýunça 26-njy maslahaty barada boldy. BMG-niň Howanyň üýtgemegi boýunça 26-njy maslahaty häzirki wagtda Howanyň üýtgemegi baradaky Çarçuwaly konwensiýasynyň düzgünlerini durmuşa geçirmek üçin iň ýokary ähmiýetli gepleşikleriň biri bolup durýar. . BMG-niň Howanyň üýtgemegi boýunça 26-njy maslahaty dünýäniň dürli künjeklerinden döwlet we hökümet baştutanlarynyň global maýyllaşma garşy göreşmek baradaky bilelikdäki ädimleri ara alyp maslahatlaşýan we ylalaşýan möhüm halkara forumdyr. Şeýle hem Türkmenistanyň Suw howpsuzlygy babatynda amala aşyrýan wajyp çäreleri we olaryň halkara derejesinde goldawy barada giňişleýin durlup geçildi.
Amanbagt USSAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň talyby.