TÜRKMENISTANYŇ ADATDAN DAŞARY WE DOLY YGTYÝARLY ILÇISI BILEN OKUW SAPAGY GEÇIRILDI
2024-nji ýylyň 6-njy dekabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň “Suw diplomatiýasy” ugry boýunça Türkmenistanyň Russiýa Federasiýasynyň Adatdan daşary we Doly ygtyýarly Ilçisi Esen Aýdogdyýewiň alyp barmagynda okuw sapagy geçirildi. Okuw sapagyna institutyň mugallymlary we talyp ýaşlary gatnaşdylar.
Ilçi okuw sapagynyň dowamynda Türkmenistanyň we Russiýa Federasiýasynyň arasyndaky ikitaraplaýyn gatnaşyklary we halkara guramalarynyň çäklerindäki hyzmatdaşlyk, Russiýa Federasiýasynyň diplomatiýasynyň, has takygy, diplomatik gullugynyň, protokolynyň, etiketiniň aýratynlyklary dogrusynda giňişleýin gürrüň berdi.
Okuw sapagy talyplar üçin örän täsirli bolup, olar özlerini gyzyklandyrýan sowallaryna jogap aldylar.
Merjen DURDYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň mugallym-öwrenijisi