«Suw diplomatiýasy» ugry boýunça täsirli okuw sapagy
2022-nji ýylyň 20-nji dekabrynda Türkmenistanyň Daşary işler ministrliginiň Halkara gatnaşyklary institutynda döredilen Türkmenistanyň diplomatiýasynyň möhüm ugurlary boýunça okuw Merkezinde “Suw diplomatiýasy” ugry boýunça Türkmenistanyň Täjigistan Respublikasyndaky Adatdan daşary we Doly ygtyýarly Ilçisi Hemra Togalakow we Araly halas etmegiň Halkara gaznasyndaky wekili Yslam Öwezmuhammedow dagy okuw sapagyny geçdiler. Okuw sapagy Merkezi Aziýa döwletleriniň konsultatiw duşuşyklarynyň çäklerindäki hormatly Prezidentimiziň we Gahryman Arkadagymyzyň suw meseleleri boýunça başlangyçlaryna bagyşlandy. Hormatly Ilçi Hemra Togalakow okuw sapagynyň dowamynda Merkezi Aziýa sebitinde suwdan netijeli peýdalanmak boýunça alnyp barylýan işler barada giňişleýin gürrüň berdi. Şeýle hem myhman Yslam Öwezmuhammedow Araly halas etmegiň Halkara gaznasynyň işi we onuň düzüm gurluşy, Türkmenistanyň Araly halas etmegiň Halkara gaznasyna başlyklyk eden döwründe alnyp barlan işler dogrusynda gürrüň berdi. Talyplar üçin bu okuw sapagy örän täsirli bolup, olar özlerini gyzyklandyrýan sowallara giňişleýin jogap aldylar.
Gülnara MYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.