OKUW SAPAKLARYNYŇ NOBATDAKY TAPGYRY BAŞLANDY
2023-nji ýylyň 13-nji dekabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň guramagynda suw diplomatiýasy ugry boýunça okuw sapaklarynyň nobatdaky tapgyry başlandy. Okuw sapagyny Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň mugallymy Aýjan Omarowa alyp bardy.
Bu okuw sapagy «Türkmen halkynyň Milli Lideri Gahryman Arkadagymyzyň Birleşen Milletler Guramasynyň “Rio+20” maslahatynda we VII Bütindünýä suw forumynda öňe süren başlangyçlary» atly tema boýunça geçirildi. Okuw sapagynyň dowamynda Bütindünýä suw Geňeşi tarapyndan üç ýyldan bir gezek geçirilýän Bütindünýä suw forumynyň hem-de Birleşen Milletler Guramasynyň “Rio+20” maslahatynda Orta Aziýada we Hazar deňzi sebitinde toplanan ekologiýa meseleleriniň giň toparyny, hususan-da, howanyň üýtgemegini nazara almak bilen, köptaraplaýyn gatnaşyklary işjeňleşdirmek hem-de bu ulgamda BMG-niň ýöriteleşdirilen düzümi bolan howanyň üýtgemegi bilen baglanyşykly meseleleri çözmek boýunça Sebitara merkezi döretmek arkaly bu ulgamda täsirli usullary kemala getirmäge girişmek barada türkmen tarapynyň teklibiniň ähmiýeti dogrusynda giňişleýin gürrüň berildi. Sapagyň ahyrynda talyplar özlerini gyzyklandyrýan sowallar dogrusynda mugallym bilen pikir alyşdylar.
Maksat MERDANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.