Halkara terjimeçileriň güni
Her ýylyň 30-njy sentýabrynda bellenilip geçilýän Halkara terjimeçileriň güni dilden we ýazuw arkaly terjime edýän terjimeçileriň hünär baýramçylygy bolup durýar. Halkara terjimeçileriň gününiň 30-njy sentýabrda bellenilip geçilmegi 1991-nji ýylda Terjimeçileriň halkara federasiýasy (FIT) tarapyndan tassyklanandyr. Baýramçylygyň bu senede bellenilmeginiň sebäbini 419-420-nji ýyllarda Injili latyn diline doly terjime eden Iýeronima Strikdonskiniň aradan çykan senesi bilen baglanyşdyrýarlar.
2017-nji ýylda Birleşen Milletler Guramasynyň Baş Assambleýasynyň 71-nji sessiýasynda Halkara terjimeçiler güni barada Rezolýusiýa guramanyň agza döwletleri tarapyndan biragyzdan kabul edildi. Bu Rezolýusiýada dünýäde parahatçylygy üpjün etmekde, halklaryň arasynda özara düşünişmekligi ýola goýmaklykda terjimeçiligiň we terjimeçileriň ornunyň uludygy nygtalýar. Bu halkara güni her ýyl özboluşly şygar astynda geçirilýär.
Olary ýatlap geçsek:
2004-nji ýylda: “Terjime — köp dilli we dürli öwüşginli medeniýetiň esasydyr”:
2005-nji ýylda: “Terjimeçiniň hünäriniň we jemgyýetiň öňündäki jogapkärçiligi”;
2006-njy ýylda: “Köp dil — bir hünär”;
2007-nji ýylda: “Çapary atmaň”;
2008-nji ýylda: “Terminologiýa – sözüň manysy”;
2009-njy ýylda: “Bilelikde işleýäris”;
2010-njy ýylda: “Köp sesli dünýäde hiliň standarty”;
2011-nji ýylda: “Medeniýetleriň arasynda köpri gurmak”;
2012-nji ýylda: “Terjime medeniýetleriň arasyndaky arabaglanyşyk hökmünde”;
2013-nji ýylda: “Bütewi dünýä-lingiwistik päsgelçiliklerden daşarydyr”;
2014-nji ýylda: “Dile bolan hukuk – ähli adam hukuklarynyň özenidir”;
2015-nji ýylda: “Dilden we ýazuw üsti bilen edilýän terjimeleriň üýtgemegi”:
2016-njy ýylda: “Dilden we ýazuw arkaly terjime jemgyýetleri birleşdirýär”;
2017-nji ýylda: “ Terjime we köpdürlilik”;
2018-nji ýylda: “Terjime – ösüş döwründe medeni mirasyň ösmegine ýardam bermek”;
2019-njy ýylda: “Terjime we ýerli halklaryň dilleri”;
2020-nji ýylda: “Çylşyrymly ýagdaýlarda ýaraşmaklygyň sözüni tapmak”;
2021-nji ýylda: “Terjime arkaly baglanyşanlar” – ýaly şygarlary görkezmek bolar.
Internet maglumatlary esasynda taýýarlan:
Meňli HOJAMUHAMMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
II ýyl talyby.