Energetika diplomatiýasynyň möwsümleýin okuwy
2022-nji ýylyň 28-nji ýanwarynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň “Energetika diplomatiýasy” ugry boýunça 2021-2022-nji okuw ýylynyň I ýarymyndaky fakultatiw okuw sapaklary geçirilip tamamlandy. Bu okuw sapaklaryny üstünlikli tamamlan talyplar ýörite Şahadatnama bilen sylaglandylar.
Geçirilen bu fakultatiw okuw sapaklarynda “Energetika diplomatiýasy we onuň ösüşi üpjün etmek boýunça hyzmatdaşlykdaky orny”, “Energetika diplomatiýasynyň halkara hukuk we milli kanunçylyk esaslary”, “Türkmenistanyň energetika çygryndaky ikitaraplaýyn we köptaraplaýyn hyzmatdaşlygynyň ösüşi”, şeýle-de “Hormatly Prezidentimiziň energiýa howpsuzlygy babatyndaky wajyp halkara başlangyçlary we teklipleri” atly temalardan umumy we söhbet sapaklary ýokary derejede guraldy.
Arslan SYÝAHATOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.