ÇAGALARY GORAMAGYŇ HALKARA GÜNI MYNASYBETLI ONLINE OKUW MASLAHATY GEÇIRILDI
2025-nji ýylyň 31-nji maýynda Aba Annaýew adyndaky Halkara atçylyk
akademiýasynyň “Ahalteke atlary – parahatçylygyň ilçileri” atly UNESCO
klubynyň gurnamagynda Çagalary goramagyň halkara güni mynasybetli onlaýn
okuw maslahaty geçirildi. Okuw maslahatyna ýurdumyzyň ýokary okuw
mekdepleriniň UNESCO klublarynyň, kafedralarynyň we UNESCO-nyň
Assosirlenen mekdepleriniň wekilleri gatnaşdy. Türkmenistanyň Daşary işler
ministrliginiň Halkara gatnaşyklary institutynyň “Parahatçylyk medeniýeti” atly
UNESCO klubynyň başlygy A.Öwezowa gatnaşyp, sanly ulgam arkaly çykyş
etdiler.
Mälim bolşy ýaly, 1-nji iýun – Çagalary goramagyň halkara güni dünýä
bileleşigi bilen raýdaşlygyň, Birleşen Milletler Guramasynyň çagalaryň hukuklary
we bähbitleri babatda esas goýujy maksatlaryna, ýörelgelerine ygrarlylygyň
beýany hökmünde ýurdumyzyň resmi baýramçylyklarynyň sanawyna girizildi we
bu baýramçylyk ýurdumyzda ulydan bellenilýär. Bu okuw maslahatynda çagalary
goramagyň halkara güniniň taryhy ähmiýeti, ýurdumyzda bu baýramçylyga
berilýän aýratyn ünsüň ýokarydygy dogrusynda çykyşlar edildi.
Bu okuw maslahatyna gatnaşyjylar Türkmenistan döwletimizi bagtyýar
çagalaryň mekanyna öwüren, çagalaryň saglygyny goramakda uly işleri durmuşa
geçirýän Gahryman Arkadagymyza, Arkadagly Gahryman Serdarymyza köp
sagbolsunlar aýtdylar. Gahryman Arkadagymyzyň, Arkadagly Gahryman
Serdarymyzyň janlarynyň sag, ömürleriniň uzak bolmagyny arzuw etdiler.
Mahym NARMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň III ýyl talyby.