Žurnalistleriň Halkara raýdaşlyk güni
Her ýylyň 8-nji sentýabrynda žurnalistleriň we habarçylaryň Halkara raýdaşlyk güni bellenilýär. Bu çärä dünýäniň çar künjeginden žurnalistler gatnaşyp, ýygnaklardyr konferensiýalary geçirýärler. Bu professional konferensiýalarda dünýäniň dürli ýurtlaryndan gelen dördünji häkimiýetiň wekilleri özleriniň žurnalistik tejribelerini paýlaşýarlar we öz aralaryndan iň mynasybyny saýlaýarlar. Žurnalistler üçin Halkara raýdaşlyk güni 1958-nji ýylda dünýädäki iň köne we iň uly halkara žurnalistika birleşigi bolan Halkara žurnalistler Guramasynyň (IOJ) 5-nji Kongresiniň karary bilen döredilýär. Bu halkara gününiň senesi tötänleýin saýlanmady. Ol 1942-nji ýylyň aprelinde Gestapo tarapyndan tussag edilen Çehoslowakiýanyň žurnalisti, edebiýat we teatr tankytçysy, publisisti, Çehoslowakiýa Kommunistik partiýasynyň aktiwisti Julius Fuçigiň 1943-nji ýylda Berlinde faşistler tarapyndan jezalandyrylmagyndan gelip çykýar. Julius gynamalar otagynda-da söýgüli kärini terk etmeýär we ol 1950-nji ýylda aradan çykýar. Ol Halkara Parahatçylyk baýragy üçin «Boýnuna burun bilen hasabat bermek» kitabyny ýazýar. Juliusyň bu meşhur kitaby dünýäniň 70 diline terjime edilýär.
Bütin Ýer şarynda dünýäniň dürli künjeklerinde diýen ýaly, žurnalistlere her ýyl hüjüm edilýär. Şol sebäpli-de žurnalistika iň howply hünärleriň biri hasaplanýar. Şunuň bilen baglylykda, hem Halkara žurnalistleriň raýdaşlyk güni bellenilip başlanýar. Her ýyl Halkara žurnalistleriň raýdaşlyk gününiň hormatyna Russiýanyň žurnalistler bileleşigi Moskwa konserwatoriýasynyň uly zalynda aradan çykan žurnalistleriň hatyrasyna ýörite haýyr-sahawat konsertini guraýarlar. Bu konsertiň maksady bilet satmakdan alnan girdejini aradan çykan žurnalistleriň maşgalalaryna goldaw bermäge niýetlenendir.
Dünýägözel ÇARYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
IV ýyl talyby.