ÝUNESKO 15-nji dekabry — Türki diller maşgalasynyň Bütindünýä güni hökmünde yglan etdi
2025-nji ýylyň 30-njy oktýabrynda Özbegistanyň Samarkant şäherinde ÝUNESKO-nyň Baş konferensiýasynyň 43-nji mejlisi geçirildi. Onda möhüm ähmiýetli çözgüt ýagny, 15-nji dekabr – Türki diller maşgalasynyň Bütindünýä güni hökmünde yglan edildi.
Bu sene her ýyl bellenilip, türki dilli halklaryň umumy dil, medeni we taryhy mirasynyň halkara derejesinde ykrar edilýändiginiň nyşanyna öwrüler.
Bu sene Türkiýäniň Prezidenti Rejep Taýyp Ärdoganyň teklibi esasynda öňe sürlüp, halkara derejesinde giň goldawa mynasyp boldy. Bu başlangyjyň awtorlarynyň hatarynda Azerbaýjan, Gazagystan, Özbegistan we Gyrgyz Respublikasy bolup, Türkmenistan bilen ýigrimiden gowrak döwlet goldady. Çünki bu senäniň saýlanylmagy türki siwilizasiýasynyň taryhyndaky möhüm waka bilen baglanyşyklydyr. Taryha ser salsak, 1893-nji ýylyň 15-nji dekabrynda daniýaly alym Wilgelm Tomsen Orhon ýazgylarynyň syryny açypdy. VIII asyra degişli bu ýazgylar türki dilleriň umumy köklerini açyp görkezýän iň gadymy ýazuw ýadygärlikleriniň biridir.
Bu ähmiýetli waka türki siwilizasiýasynyň dünýä medeniýetiniň we ynsanperwer hyzmatdaşlygynyň ösüşine halkara derejesinde goşant goşýan möhüm ädimdir.
Aýnur AMANSÄHEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.