ÝAŞ ÇAPARLARYŇ ARASYNDA III SAÝLAMA OÝNY GEÇIRILDI
2023-nji ýylyň 28-nji noýabrynda Türkmenistanyň Daşary işler ministrliginiň Halkara gatnaşyklary institutynda «Parahatçylygyň ýaş çaparlary» atly akyl-paýhas bäsleşiginiň III möwsüminiň III saýlama oýny geçirildi. «Beýik Magtymguly Pyragynyň taglymaty — umumadamzat gymmatlyklarynyň milli şamçyragy» atly umumy şygar astynda geçirilýän III möwsümiň III saýlama oýny «Owşar döwletiniň daşary syýasaty we halkara gatnaşyklary» diýen tema boýunça geçirildi.
«Parahatçylygyň ýaş çaparlary» atly akyl-paýhas bäsleşiginiň III möwsüminiň III saýlama oýnuna Mary şäherindäki iñlis dili we ynsançylyk ugurly okuw dersleri çuňlaşdyrylyp öwredilýän ýöriteleşdirilen welaýat mekdebiniň 11-nji synp okuwçysy Güljan Serdarowa, Ahal welaýatynyň Ak bugdaý etrabynyň ýöriteleşdirilen 27-nji orta mekdebiniň 11-nji synp okuwçysy Kakamyrat Saparow, Mary welaýatynyň Sakarçäge etrabynyň Şatlyk şäherindäki takyk we tebigy ugurlardan ýöriteleşdirilen 43-nji orta mekdebiniň 10-njy synp okuwçysy Täzegül Geldiýewa, Aşgabat şäherindäki Saparmyrat Türkmenbaşy adyndaky ýöriteleşdirilen umumy bilim berýän mekdep-internatynyň 11-nji synp okuwçysy Aýdogdy Bazarow, Mary welaýatynyň Ýolöten etrabynyň 40-njy orta mekdebiniň 11-nji synp okuwçysy Muhammetmyrat Ýakubow, Lebap welaýatynyň Türkmenabat şäheriniň ýöriteleşdirilen 41-nji orta mekdebiniň 11-nji synp okuwçysy Aýlar Jumaýewa, Daşoguz welaýatynyň Daşoguz şäherindäki iňlis dili, himiýa we biologiýa dersleri çuňlaşdyryp öwredilýän 26-njy orta mekdebiň 9-njy synp okuwçysy Serwinäz Hojaýewa, Mary welaýatynyň Mary şäheriniň 11-nji orta mekdebiniň 11-nji synp okuwçysy Söhbet Berdinazarow dagy gatnaşdylar.
Akyl-paýhas bäsleşiginiň III möwsüminiň III saýlama oýnuna «Pähimdarlar geňeşiniň» agzalary hökmünde Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary we diplomatiýa kafedrasynyň uly mugallymy, filosofiýa ylymlarynyň kandidaty Begenç Karaýew, Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň baş ylmy işgäri, taryh ylymlarynyň doktory, Ykdysady Hyzmatdaşlyk guramasynyň “Taryh, medeniýet, edebiýat we şekillendiriş sungaty” ugry boýunça sylagynyň eýesi Ýazgylyç Orazgylyjow hem-de Magtymguly adyndaky Türkmen döwlet uniwersitetiniň Daşary ýurt edebiýaty kafedrasynyň müdiri, filologiýa ylymlarynyň kanditaty, dosent, Türkmenistanyň Hormatly il ýaşulysy Romanguly Mustakow dagy adalatly eminlik etdiler.
Bäsleşik diýseň gyzgalaňly şekilde geçip, zehinli mekdep okuwçylarynyň özlerine berlen sowallara doly we dogry jogap bermekleri olaryň bäsleşige ýokary taýýarlykly gelendikleriniň aýdyň subutnamasy boldy. Bäsleşigiň netijelerine laýyklykda, ýiti zehinliligi, ugurtapyjylygy bilen tapawutlanan Mary welaýatynyň Ýolöten etrabynyň 40-njy orta mekdebiniň 11-nji synp okuwçysy Muhammetmyrat Ýakubow we Lebap welaýatynyň Türkmenabat şäheriniň ýöriteleşdirilen 41-nji orta mekdebiniň 11-nji synp okuwçysy Aýlar Jumaýewa dagy ýeňiji boldular. Bäsleşigiň ýeňijilerine, şeýle-de oňa gatnaşyjylara hemaýatkärler tarapyndan taýýarlanan gymmatbahaly sowgatlar, institutymyzyň degişli şahadatnamalary we Hormat hatlary gowşuryldy.
Akyl-paýhas bäsleşiginiň III möwsüminiň III saýlama oýnuna Türkmenistanyň Ylymlar Akademiýasynyň Magtymguly adyndaky Dil, edebiýat we milli golýazmalar instituty, Türkmenistanyň Magtymguly adyndaky Ýaşlar guramasynyň Merkezi Geňeşi, Türkmenistanyň Milli ýaý atyjylyk federasiýasy, Türkmenistanyň Senagatçylar we telekeçiler birleşmesi, «Abadan haly» açyk görnüşli paýdarlar jemgyýeti, «Aýdyň gijeler» hojalyk jemgyýeti, «Ýedi dogan» hususy kärhanasy, «Muhammet Balkan» hojalyk jemgyýeti, «Düwmejik» hususy kärhanasy hemaýatkärlik etdiler.
«Parahatçylygyň ýaş çaparlary» atly akyl-paýhas bäsleşiginiň III möwsüminiň III saýlama oýny Türkmenistanyň Telewideniýe, radiogepleşikler we kinematografiýa baradaky döwlet komitetiniň «Miras» teleradioýaýlymy bilen Türkmenistanyň Daşary işler ministrliginiň Halkara gatnaşyklary institutynyň okuw studiýasy tarapyndan bilelikde ýazgy edildi. Bäsleşige ýakyn günlerde «Miras» teleýaýlymynda tomaşa edip bilersiňiz.
Orazjemal ÇARYÝAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby,
«Parahatçylygyň ýaş çaparlary» atly akyl-paýhas
bäsleşiginiň I möwsümine gatnaşyjy.