ULAG-LOGISTIKA ULGAMYNA BAGYŞLANAN OKUW SAPAGY
2024-nji ýylyň 23-nji noýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň guramagynda «Hazar deňzi – Gara deňzi» halkara ulag geçelgesiniň mümkinçilikleri atly okuw sapagy geçirildi. Bu okuw sapagyny Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň uly mugallymy Perhat Çaryýew alyp bardy. Okuw sapagynyň dowamynda Rumyniýanyň Buharest şäherinde «Hazar deňzi – Gara deňzi» halkara ulag geçelgesini döretmegiň taslamasy boýunça Türkmenistanyň, Azerbaýjan Respublikasynyň, Gruziýanyň we Rumyniýanyň Daşary işler ministrleriniň duşuşygynda Türkmenbaşy, Baku, Poti, Batumi we Konstansa portlary arkaly daşalýan ýükleriň möçberlerini artdyrmaga degişli ugurlaryň ykdysady ähmiýeti barada giňişleýin gürrüň edildi. Şeýle-de talyplar özlerini gyzyklandyrýan soraglara jogap tapdylar, ulag diplomatiýasy baradaky bilimlerini artdyrdylar.
Gülöwser REJEPOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň III ýyl talyby.