19/01/2024
5884
TÜRKMENISTANYŇ TARYHY, IŇLIS DILI, MATEMATIKA, TÜRKMEN DILI DERSLERI BOÝUNÇA OLIMPIADA
Ýurdumyzyň orta mekdepleriniň 11-nji synp okuwçylarynyň arasynda Birleşen Milletler Guramasy tarapyndan yglan edilen Bilimler güni mynasybetli Türkmenistanyň Daşary işler ministrliginiň Halkara gatnaşyklary institutynyň Magtymguly adyndaky Ýaşlar Guramasynyň Merkezi geňeşi bilen bilelikde “Watanyň daýanjy-bilimli ýaşlar, Arkadagly Gahryman Serdaryň guwanjy ýaşlar!” atly Türkmenistanyň taryhy, matematika, türkmen dili, iňlis dili, dersleri boýunça olimpiadany guramak we geçirmek hakyndaky
DÜZGÜNNAMA
Türkmenistanyň Prezidentiniň Kararlary bilen tassyklanan Türkmenistanda sanly bilim ulgamyny ösdürmegiň Konsepsiýasyny Türkmenistanda daşary ýurt dillerini okatmagy kämilleşdirmegiň Konsepsiýasyny durmuşa ornaşdyrmagyň Meýilnamalaryny ýerine ýetirmek,mekdep okuwçylaryny hünäre ugrukdyrmak, zehinlerini artdyrmak maksady bilen, ýurdumyzyň orta mekdepleriniň 11-nji synp okuwçylarynyň arasynda Birleşen Milletler Guramasy tarapyndan yglan edilen Bilimler güni mynasybetli “Watanyň daýanjy-bilimli ýaşlar, Arkadagly Gahryman Serdaryň guwanjy ýaşlar!” atly Türkmenistanyň taryhy, matematika, türkmen dili, iňlis dili, dersleri boýunça olimpiadany guramak we geçirmek hakyndaky Düzgünnama işlenip taýýarlanyldy.
Umumy düzgünler
Şu Düzgünnama onlaýn olimpiadany guramagyň we geçirmegiň kadalaşdyryjy resminamasy bolup, ony geçirmegiň tertibini kesgitleýär. Watana, halkymyza Türkmenistanyň Prezidentine wepaly, zehinli we başarjaň ýaşlary ýüze çykarmak, Türkmenistanyň bilim ulgamynyň dünýäniň ylym-bilim giňişligine sazlaşykly aralaşýan döwründe esasy mesele hökmünde orta çykýar. Onlaýn bäsleşigiň geçirilmegi ýurdumyzyň mekdep okuwçylarynyň intellektual derejesini kesgitlemäge, Türkmenistanyň okgunly ösýän bazar ykdysadyýetinde innowasion tehnalogoýalary ulanmakda we çylşyrymly meseleleri özbaşdak çözmegi başarýan zehinli ýaşlary ýüze çykarmakda ýardam eder.
Olimpiadanyň maksady
Zehinli mekdep okuwçylaryny ýüze çykarmak, olaryň sanly ulgamyň mümkinçiliklerini ulanmak endiklerini kämilleşdirmek hem-de giriş synaglaryň tabşyryljak dersleri boýunça bilimleriniň derejesini kesgitlemek.
Onlaýn olimpiadanyň guramagyň we geçirmegiň tertibi
1. Ýurdumyzyň çäginde ýerleşýän ähli mekdepleriň 11-nji synp okuwçylarynyň olimpiada gatnaşmaga hukugy bolup, olar 20.03.2024 senä çenli degişli maglumatlaryny elektron-salga: hgi.charetm@gmail.com ugratmaly. Okuwçylaryň hasaba alnandyklary baradaky maglumat elektron salgylaryna 3-nji aprele çenli ugradylar, I tapgyrynyň ähli welaýatlarda we Aşgabat şäherinde aşakdaky salgylarda 2024-nji ýylyň 8-nji aprelinde geçirilýändigini, II tapgyrynyň bolsa 2024-nji ýylyň 22-nji aprelinde geçirilýändigini mälim edýäris.
Olimpiadanyň I tapgyrynyň geçiriljek rejesi:
a. Aşgabat şäheri we Ahal welaýaty - Türkmenistanyň Daşary işler ministrliginiň Halkara gatnaşyklary institutynda;
b. Balkan welaýaty – "Türkmennebit" döwlet konserniniň Balkanabat nebitçilik orta hünär okuw mekdebinde;
c. Daşoguz welaýaty – Türkmen oba hojalyk inistitutynda;
d. Lebap welaýaty – S.Seýdi adyndaky Türkmen döwlet mugallymçylyk inistitutynda;
e. Mary welaýaty - Türkmenistanyň döwlet energetika institutynda.
1. I tapgyrna üstünlikli geçen mekdep okuwçylary barada II tapgyra gatnaşmaga hukuk gazanan okuwçylaryň elektron salgylaryna II tapgyra gatnaşmak üçin ýörite login/açar ugradylar we uzak aralykdan test tabşyrarlar.
Olimpiadanyň II tapgyrynyň geçiriljek rejesi:
a. Aşgabat şäheri we Ahal welaýaty - Türkmenistanyň Daşary işler ministrliginiň Halkara gatnaşyklary institutynda;
b. Balkan welaýaty – "Türkmennebit" döwlet konserniniň Balkanabat nebitçilik orta hünär okuw mekdebinde;
c. Daşoguz welaýaty – Türkmen oba hojalyk inistitutynda;
d. Lebap welaýaty – S.Seýdi adyndaky Türkmen döwlet mugallymçylyk inistitutynda;
e. Mary welaýaty - Türkmenistanyň döwlet energetika institutynda.
Ýeňijileri kesgitlemegiň we sylaglamagyň tertibi
1. Olimpiadada ýokary utuklary gazanmagy başaran mekdep okuwçylarynyň sanawy Türkmenistanyň Daşary işler ministrliginiň Halkara gatnaşyklary institutynyň rektorynyň buýrugy bilen tassyklanar.
2. I, II, III ýerlere hem-de höweslendiriji ýerler boýunça ýeňijiler gurnaýjylar tarapyndan taýýarlanan Hormat haty we Türkmenistanyň Magtymguly adyndaky Ýaşlar Guramasynyň Merkezi geňeşiniň ýadygärlik sowgatlary bilen institutda 2024-nji ýylyň 8-nji maýynda geçiriljek “Açyk gapylar” gününde sylaglanarlar.
Habarlaşmak üçin:
E-poçta: hgi.charetm@gmail.com
Şeýle hem bu barada şu ýerden okap bilersiňiz:
https://turkmenportal.com/blog/73096
https://orient.tm/ru/post/67319/v-turkmenistane-projdut-olimpiady-v-chest-mezhdunarodnogo-dnya-obrazovaniya
https://orient.tm/ru/post/67329/ucheniki-11-h-klassov-priglashayutsya-k-uchastiyu-v-olimpiade
https://orient.tm/tm/post/67322/turkmenistanda-halkara-bilim-guni-mynasybetli-ders-olimpiadalary-geciriler
https://salamnews.tm/section/ylym-bilim/bilim/v-turkmenistane-sostoyatsya-predmetnye-olimpiady-7371d1
https://ashgabat.in/2024/01/28/okuwcylaryn-arasynda-ders-olimpiadalary-geciriler/
Soňky täzelikler
![DALAŞGÄRLERIŇ DYKGATYNA! surady](https://iirmfa.edu.tm/images/posts/1721025472140967493-1000_1721045414.webp)
15/07/2024
DALAŞGÄRLERIŇ DYKGATYNA!