Türkmenistanyň Suw diplomatiýasynyň hukuk binýady
2021-nji ýylyň 22-nji dekabrynda Türkmenistanyň diplomatiýasynyň möhüm ugry bolan “Suw diplomatiýasy” boýunça okuw merkezinde Türkmenistanyň Daşary işler ministrliginiň Halkara gatnaşyklary institutynda umumy okuw sapagy geçirildi. Sapagyň nobatdaky tapgyry «Türkmenistanyň Suw diplomatiýasynyň hukuk binýady» atly mowzuga bagyşlanyldy.
Umumy sapagy Türkmenistanyň Milli Geňeşiniň Mejlisiniň Daşky gurşawy goramak, tebigatdan peýdalanmak we agrosenagat toplumy baradaky komitetiniň agzasy, oba hojalyk ylymlarynyň doktory Rejepgeldi Meredow alyp bardy. Geçirilen okuw sapagyna institutyň talyplary we magistrantlary gatnaşdylar.
Ylymlaryň doktory – Türkmenistanyň Milli Geňeşiniň Mejlisiniň Daşky gurşawy goramak, tebigatdan peýdalanmak we agrosenagat toplumy baradaky komitetiniň agzasy R.Meredow öz çykyşynda Türkmenistanyň Milli Geňeşiniň Mejlisi tarapyndan suw meseleleri barada alnyp barylýan işleri dogrusynda, hususan-da, suwy rejeli peýdalanmak, Araly halas etmek barada alnyp barylýan möhüm işler barada öz çykyşynda belledi. Bulardan başga-da, R.Meredow institutyň magistrantlarynyň alyp barýan ylmy işleri bilen gyzyklanyp, magistrantlaryň gyzyklanýan soraglarynyň hukuk esaslaryny gürrüň berdi.
Ýakubmyrat AŞYROW,
Türkmenistanyň Daşary işler ministrliginiň
Halkara gatnaşyklary institutynyň
Halkara
hususy hukugy ugrunyň magistranty.