Türkmenistanyň Gahrymany-diplomat zenany
Diplomatiýa hünäri ýurdumyzyň daşary syýasatyny bütin dünýäde ygtybarly ösdürmekde iň bir esasy ugurlaryň biri. Bu hünär bilen ýurdumyzyň ösüşine uly goşant goşan Türkmenistanyň Adatdan daşary we Doly ygtyýarly ilçisi Çynar Täjiýewna Rüstemowa 2021-nji ýylyň 25-nji sentýabrynda paýtagtymyzyň «Ruhyýet» köşgünde, Türkmenistanyň Garaşsyzlygynyň şanly 30 ýyllygyna bagyşlanyp, Türkmenistanyň Milli Geňeşiniň Halk maslahatynyň mejlisinde hormatly Prezidentimiziñ Permany bilen “Türkmenistanyň Gahrymany” diýen belent ada mynasyp boldy. Diplomatiýanyň inçe syrlaryndan baş çykarýan türkmen diplomat zenany häzirki wagtda uly zähmet üstünlikleri bilen hormatly Prezidentimiziň ýörite Karary esasynda, ÝUNESKO-nyň işleri barada Türkmenistanyň Milli toparynyň jogäpkär Sekretary wezipesinde özüniň hünär ýoluny dowam edýär. Köp ýyllaryň dowamynda gazanan iş tejribesi bilen irginsiz zähmet çekýän Çynar Täjiýewna Rüstemowa özüne bildirilen uly ynamy üçin eziz Watanymyza ak ýürekden hyzmat etjekdigine ynandyryp, mähriban Arkadagymyza alkyş sözlerini beýan edende türkmen diplomatiýasynyň milli mekdebinde taýynlanýan geljekki diplomatlar üçin arzyly hünär taýýarlygyna ruhy güýç boldy.
Hatyja DÖWLETNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň III ýyl talyby.