Türkmen milli lybaslarynyň moda görkezilişi geçirildi
2024-nji ýylyň 7 — 9-njy ýanwar aralygynda Aşgabat şäher häkimliginiň, ÝUNESKO-nyň işleri barada Türkmenistanyň Milli toparynyň we Aşgabat Modeller öýüniň bilelikde guramagynda türkmen milli lybaslarynyň görkezilişi geçirildi. Modeller öýünde geçirilen bu dabara ÝUNESKO-nyň Milli toparynyň sekretariaty, ýurdumyzda ýerleşýän ýokary okuw mekdepleriniň binýadynda döredilen ÝUNESKO kafedralarynyň, klublarynyň başlyklary we agzalary gatnaşdylar.
Mundan başga-da, bu çärede Fransiýadan gelen hormatly myhman “Orential Fasion Show” modalar Assosasiýanyň ýolbaçysy hanym Hind Žudai, onuň suratçysy Jak Famon Tamosini hem gatnaşdy. Hind Žudai türkmen halkynyň milli lybaslaryna bezeg berýän el keşdeleriniň gaýtalanmaýan ajaýyp nusgalaryna entek hiç bir ýerde duş gelmänligi barada buýsanç bilen belläp geçdi.
Şeýle-de, moda görkeziliş dabarasynda zenanlaryň baýramçylyk köýnekleri, resmi erkek kostýumlary we çagalar üçin owadan geýimler görkezildi. Türkmen milli lybaslaryna daşary ýurtly myhmanlar tarapyndan ýokary baha berildi.
Gurbangül SAPAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.