«Aýal-gyzlaryň ylymdaky orny» atly maslahat
2024-nji ýylyň 7-nji martynda Türkmenistanyň Daşary işler ministrliginiň
Halkara gatnaşyklary institutynyň “Parahatçylyk medeniýeti” ÝUNESKO
klubynyň agzalarynyň gatnaşmagynda Halkara zenanlar güni mynasybetli «Aýal-
gyzlaryň ylymdaky orny» atly maslahat geçirildi. Maslahatda çykyş edenler oňa
gatnaşyjylary we ähli zenanlary bütin dünýäde her ýylda uly dabara bilen bellenilip
geçilýän Halkara zenanlar güni bilen gutlap, diplomatiýada hem türkmen
zenanlarynyň bitiren işleri we olaryň ýurdumyzyň abraýyny belende galdyrmakda
goşan goşantlary barada belläp geçdiler. Hormatly Prezidentimiziň parasatly
ýolbaşçylygynda ýurdumyzda aýal-gyzlara goýulýan sarpa we ylym bilen
meşgullanmak üçin döredilip berilýän mümkinçilik hakynda aýratyn nygtadylar.
Bilşimiz ýaly, ÝUNESKO tarapyndan her ýylyň 8-nji martynda Halkara
zenanlar güni we 11-nji fewralynda «Ylymda aýal-gyzlaryň Halkara güni» hem
giňden bellenilip geçilýär.
Nurana BEGIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary we diplomatiýa hünäriniň I ýyl talyby.