Täsirli geçen ylmy-döredijilik maslahaty
2021-nji ýylyň 10-njy sentýabrynda mukaddes Garaşsyzlygymyzyň şanly 30 ýyllygy mynasybetli Türkmenistanyň Daşary işler ministrliginiň Halkara gatnaşyklary institutynda «Beýik Ýüpek ýolunyň taryhy-medeni mirasy we Ýewraziýa giňişliginde halkara hyzmatdaşlygyň şu güni» atly ylmy-döredijilik maslahaty geçirildi.
Geçirilen ylmy-döredijilik maslahatyna Türkmenistanyň Daşary işler ministrliginiň Halkara gatnaşyklary institutynyň, ýurdumyzyň ýokary okuw mekdepleriniň professor-mugallymlary we talyp ýaşlary şeýle-de, Türkmenistanyň Döwlet, hukuk we demokratiýa institutynyň ylmy işgärleri gatnaşdylar.
Maslahatda institutymyzyň mugallymlary, şeýle-de Magtymguly adyndaky Türkmen döwlet uniwersitetiniň ylmy işler boýunça prorektory, Türkmenistanyň Döwlet, hukuk we demokratiýa institutynyň ylmy işgäri, Ýagşygeldi Kakaýew adyndaky Halkara nebit we gaz uniwersitetiniň, Türkmenistanyň Inžener-tehniki we ulag kommunikasiýalary institutynyň professor-mugallymlary çykyş etdiler.
Milli Liderimiziň tagallasy bilen häzirki zaman şertlerinde Beýik Ýüpek ýolunyň dikeldilişi, bu ýoluň ugrundaky döwletler bilen ýangyç-energetika, ekologiýa, ulag, söwda-ykdysady we beýleki ulgamlarda halkara gatnaşyklarynyň ösdürilişi barada ylmy esasda çykyş etdiler. Çykyş edenleriň her biri halkymyzy eşretli durmuşda, ýaşadýan hormatly Prezidentimiziň janynyň sag, ömrüniň uzak bolmagyny arzuw etdiler.
Miwe NABATOWA,
Türkmenistanyň Daşary işler ministrliginiň
Halkara gatnaşyklary institutynyň mugallymy.