“Suw diplomatiýasynyň” möwsümleýin okuwy
Türkmenistanyň Daşary işler ministrliginiň Halkara gatnaşyklary institutyndaky Türkmenistanyň diplomatiýasynyň möhüm ugurlary boýunça okuw-usulyýet merkezinde “Suw diplomatiýasy” ugry boýunça ýörite tassyklanan okuw meýilnamasyna laýyklykda fakultatiw okuwlar öz işini işjeň alyp bardy. Bu möwsümde Hazar deňzi institutynyň wekilleri, S.A.Nyýazow adyndaky Türkmen oba hojalyk uniwersitetiniň professorlary, şeýle hem Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň mugallymlary M.Gurbannazarowa, A.Omarowa, G.Hommadowa we institutyň magistrantlary degişli temalar boýunça umumy we söhbet sapaklary geçdiler. Sanly ulgamyň mümkinçiliklerinden peýdalanylyp geçilen fakultatiw okuw sapaklaryna Türkmenistanyň Daşary işler ministrliginiň Halkara gatnaşyklary institutynyň talyplary işjeň gatnaşdylar. «Suw diplomatiýasy» ugry boýunça täsirli geçen sapaklara işjeň gatnaşan diňleýji talyplara ýörite Şahadatnamalar gowşuryldy.
Altyn BABYŞOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 1-nji ýyl talyby.