Suw diplomatiýasynyň möwsümleýin okuwy tamamlanýar
2021-nji ýylyň 2-nji iýunynda Türkmenistanyň Daşary işler ministrliginiň Halkara gatnaşyklary institutynda Türkmenistanyň Mejlisiniň kada-kanunçylyk baradaky komitetiniň wekili R.Meredowyň gatnaşmagynda Türkmenistanyň Suw diplomatiýasynyň hukuk binýady atly tema boýunça okuw sapagy geçirildi. R.Meredow öz çykyşynda Suw diplomatiýasynyň hukuk binýady, Türkmenistanyň suw diplomatiýasyny, suw diplomatiýasy boýunça baglaşylan şertnamalar olaryň hukuk binýady barada aýdyp geçdi. Türkmenistanyň diplomatiýasynyň möhüm ugurlary boýunça okuw merkeziniň suw diplomatiýasy ugrynyň mňwsümleýin okuwy şu günki geçirilen okuw sapagy bilen tamamlandy.
Türkmenistanyň diplomatiýasynyň möhüm ugurlary boýunça okuw merkeziniň suw diplomatiýasy ugry boýunça şu okuw möwsüminde talyplaryň öňünde Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň uly mugallymy M.Gurbannazarowa, Türkmenistanyň Daşary işler ministrliginiň maglumat-seljeriş departamentiniň geňeşçisi, Adatdan daşary we Doly ygtyýarly ilçi M.Akmyradow, Türkmenistanyň Oba hojalyk we daşky gurşawy goramak ministrliginiň wekili, S.A.Nyýazow adyndaky Türkmen oba-hojalyk uniwersitetiniň wekili, Türkmenistanyň hazar deňiz institutynyň wekili çykyş etdi.
Dilnoza MUHADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 1-nji ýyl talyby.