SUW DIPLOMATIÝASY BOÝUNÇA OKUW MASLAHATY
2023 –nji ýylyň 25-nji aprelinde Türkmenistanyň Oba hojalyk we daşky gurşawy goramak ministrligi bilen Birleşen Milletler Guramasynyň Ösüş Maksatnamasynyň bilelikde ýerine ýetirýän “Köp sanly bähbitler üçin Aral deňiziniň giňişliginde ýer serişdelerini we aýratyn ähmiýetli ekoulgamlary gorap saklamak we durnukly dolandyrmak” atly taslamanyň çäklerinde Suw diplomatiýasy boýunça gibrid görnüşinde okuw maslahaty geçirildi. Okuw maslahatynyň çäklerinde Aral deňzi sebitinde serhetüsti suw hyzmatdaşlygy, howanyň üýtgemegi we sebitiň suw serişdeleri, suw serişdelerinden rejeli peýdalanmak ýaly meseleler ara alyp maslahatlaşyldy. Okuw maslahatynyň işine Araly halas etmegiň halkara gaznasynyň, Birleşen Milletler Guramasynyň Ösüş Maksatnamasynyň, Türkmenistanyň Daşary işler ministrliginiň, Türkmenistanyň Oba hojalyk we daşky gurşawy goramak ministrliginiň, Türkmenistanyň suw hojalygy baradaky döwlet komitetiniň, Daşoguz we Lebap welaýat häkimlikleriniň we ýurdumyzyň ýokary okuw mekdepleriniň wekilleri gatnaşdylar. Bu okuw maslahaty suw diplomatiýasyny öwretmekde toplanan tejribäniň giňelmegine we baýlaşdyrylmagyna goşant goşdy.
Töfe HOŞANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara jemagat hukugy ugrunyň magistranty.