SUW DIPLOMATIÝASY BOÝUNÇA NOBATDAKY OKUW SAPAGY
2024-nji ýylyň 12-nji aprelinde Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň “Suw diplomatiýasy” ugry boýunça nobatdaky okuw sapagy geçirildi. Okuw sapagyny Türkmenistanyň Hazar deňzi institutynyň Maglumat howpsuzlygy we seljeriş müdirliginiň başlygynyň orunbasary G. Çarygulyýewa alyp bardy.
Bu okuw sapagy “Türkmenistanyň Prezidentiniň Hazar ekologik başlangyjy teklibiniň ähmiýeti atly tema boýunça geçirildi. Bilşimiz ýaly, bu başlangyç” hormatly Prezidentimiz Arkadagly Gahryman Serdarymyz tarapyndan Birleşen Milletler Guramasynyň Baş Assambleýasynyň 78-nji sessiýasynda girizildi.
Türkmenistanyň Hazar deňzi institutynyň wekili özüniň çykyşynda BMG-niň jogapkärçilikli agza döwleti hökmünde Türkmenistan ileri tutýan ugurlaryny kesgitläp, öz çemeleşmelerini we hereketlerini anyk beýan edýändigini hem-de durmuşa geçirýändigi, şeýle hem bu ugurlar boýunça ýurdumyzyň goşandynyň netijeli bolmakda we umumydünýä maksatlarynyň bähbidine hyzmat etmekde uly işleri amala aşyrýandygyny belledi.
Suw diplomatiýasy boýunça nobatdaky okuw sapagy talyplar üçin örän täsirli bolup, olar özlerini gyzyklandyrýan sowallara jogap tapdylar.
Şamyrat MUHAMMEDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.