SUW DIPLOMATIÝASY BOÝUNÇA NOBATDAKY OKUW SAPAGY
2024-nji ýylyň 29-njy maýynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň “Suw diplomatiýasy” ugry boýunça nobatdaky okuw sapagy geçirildi. Okuw sapagyny Halkara hukugy we deňeşdirme hukuk öwreniş kafedrasynyň öwreniji mugallymy M.Durdyýewa alyp bardy.
Bu okuw sapagy “Hazar deňziniň deňiz gurşawyny goramagyň hukuk esaslary” atly tema boýunça geçirildi. Şeýle hem, häzirki wagtda köp döwletleriň, şol sanda Türkmenistanyň daşary syýasatynyň ileri tutulýan ugurlary hökmünde kesgitlenen hem-de köptaraplaýyn hyzmatdaşlygyň syýasy-diplomatik guraly hökmünde garalýan suw diplomatiýasy suw serişdeleriniň gorlaryny emele getirmek we olaryň çeşmelerini dikeltmek, oýlanyşykly, rejeli sarp etmek bilen baglanyşykly meseleler boýunça yzygiderli gepleşikleriň geçirilmegi üçin mümkinçilikleri açýandygy barada we Hazar deňziniň deňiz gurşawyny goramak babatda kabul edilen köptaraplaýyn konwensiýalaryň ähmiýeti barada hem giňişleýin bellenildi.
Suw diplomatiýasy boýunça bu okuw sapagy talyplar üçin örän täsirli bolup, olar özleriniň sowallary bilen okuw sapagynyň geçişiniň gyzykly we göwnejaý bolmagyny gazandylar.
Azanali AZIZOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.