SUW DIPLOMATIÝASY BOÝUNÇA HALKARA HÜNÄRMENIŇ TEJRIBE SAPAGY
2026-njy ýylyň 13-nji maýynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň Suw diplomatiýasy ugry boýunça “Merkezi Aziýa sebitinde suw diplomatiýasy boýunça halkara tejribesi bilen tanyşmak” atly tema boýunça tejribe sapagy geçirildi.
Bu tejribe sapagyny Hytaý Halk Respublikasynyň Lançžou şäherinde ýerleşýän Demirgazyk-Günbatar mugallymçylyk uniwersitetiniň Merkezi Aziýa barlaglary institutynyň dekanynyň orunbasary, Ma Ýufeng alyp bardy. Okuw sapagynyň dowamynda hytaýly alym Merkezi Aziýa sebitiniň syýasy-ykdysady ýagdaýy, ekologiýa syýasaty, taryhy gatnaşyklary we häzirki zaman ösüş meýilleri baradaky ýerine ýetirýän esasy wezipeleri barada barada giňişleýin gürrüň edildi.
Sapagyň ahyrynda alym Ma Ýufeng öz işleýän institutynyň köp ýyllardan bäri sebitiň strategik meselelerini öwrenýän esasy merkezleriň biri hökmünde çykyş edýändigini hem-de soňky ýyllarda türkmen, gazak we özbek talyplarynyň bu uniwersitete bolan gyzyklanmasynyň artýandygy barada aýratyn belledi. Bu okuw sapagyna gatnaşan talyplar özlerini gyzyklandyrýan sowallar dogrusynda hünärmen bilen sorag-jogap arkaly pikir alyşdylar.
Abdyrahym AKORAZOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň mugallym-öwrenijisi