«SANLY TEHNOLOGIÝALAR WE YLMY DIPLOMATIÝA» ATLY YLMY-DÖREDIJILIK MASLAHATY GEÇIRILDI
2026-njy ýylyň 18-nji fewralynda Türkmenistanyň Daşary işler ministrliginiň Halkara gatnaşyklary institutynda «Sanly tehnologiýalar we ylmy diplomatiýa» atly ylmy-döredijilik maslahaty geçirildi. Oňa Türkmenistanyň Döwlet, hukuk we demokratiýa institutynyň wekili hem-de ýokary okuw mekdebimiziň mugallymlary, talyplary we magistrantlary gatnaşdylar.
Maslahatyň barşynda Türkmenistanyň Döwlet, hukuk we demokratiýa institutynyň wekili M.Kulyýew öz çykyşynda ýurdumyzda ylym we bilim pudaklarynda sanly tehnologiýalaryň ornaşdyrylyşy barada belläp geçdi. Şeýle hem institutyň Dünýä dilleri kafedrasynyň mugallymy H.Nurmämmedow ylmy diplomatiýa we onuň häzirki zaman halkara gatnaşyklarynda tutýan orny barada giňişleýin gürrüň berdi.
Maslahatyň dowamynda çykyş edenler sanly tehnologiýalaryň mümkinçilikleri, olaryň häzirki wagtda eýeleýän orny we ähmiýeti barada gürrüň berdiler. Mundan başga-da, ylmyň we tehnologiýalaryň ugurlary boýunça işjeň syýasaty alyp barýan ýurdumyzyň ylmy diplomatiýa pudagynda halkara hyzmatdaşlygyna uly ähmiýet berýändigini nygtadylar.
Ylmy-döredijilik maslahatyň işi üstünlikli jemlenip, oňa gatnaşyjylar türkmen halkynyň abadan durmuşda ýaşamagy, ýurdumyzyň halkara abraýynyň mundan beýläk-de pugtalandyrylmagy ugrunda ägirt uly tagallalar edýän Gahryman Arkadagymyza, Arkadagly Gahryman Serdarymyza hoşallyk sözlerini beýan etdiler.
Rahym AKMURADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary we diplomatiýa kafedrasynyň mugallymy.