«Parahatçylygyň ýaş çaparlary»: IV möwsümiň VIII saýlama oýny
2025-nji ýylyň 16-njy aprelinde Türkmenistanyň Daşary işler ministrliginiň Halkara gatnaşyklary institutynda «Parahatçylygyň ýaş çaparlary» atly akyl-paýhas bäsleşiginiň «Bitarap Türkmenistanyň parahatçylygy dörediji diplomatiýasy: netijeli hyzmatdaşlygyň we durnukly ösüşiň ygtybarly guraly» atly umumy şygar astynda geçirilýän IV möwsüminiň VIII saýlama oýny geçirildi. Akyl-paýhas bäsleşiginiň nobatdaky saýlama oýny «Türkmenistanyň ekologiýa diplomatiýasy: arassa daşky gurşawy goramak üçin halkara hyzmatdaşlygy» atly tema bagyşlanyldy.
«Parahatçylygyň ýaş çaparlary» atly akyl-paýhas bäsleşiginiň IV möwsüminiň VIII saýlama oýnuna Aşgabat şäherindäki Saparmyrat Türkmenbaşy adyndaky ýöriteleşdirilen umumy-bilim berýän mekdep-internatynyň 11-nji synp okuwçylary Mähri Akmuhammedowa, Meňlihal Astanowa, Aýnur Nuryýewa, Aşgabat şäheriniň daşary ýurt dillerini çuňlaşdyryp öwredilýän ýöriteleşdirilen 52-nji orta mekdebiniň 10-njy synp okuwçysy Rahman Annaberdiýew, Daşoguz welaýatynyň Daşoguz şäheriniň iňlis dili, himiýa we biologiýa derslerini çuňlaşdyryp öwredilýän ýöriteleşdirilen 26-njy orta mekdebiniň 10-njy synp okuwçysy Serwinäz Hojaýewa, Aşgabat şäheriniň dil dersleri çuňlaşdyrylyp öwredilýän ýöriteleşdirilen 97-nji orta mekdebiniň 12-nji synp okuwçysy Muhammetnur Saparmyradow, Lebap welaýatynyň Saýat etrabynyň
9-njy orta mekdebiniň 10-njy synp okuwçysy Kakajan Şöhradow, Mary welaýatynyň Sakarçäge etrabynyň Şatlyk şäherindäki takyk we tebigy ugurlardan ýöriteleşdirilen 43-nji orta mekdebiniň 10-njy synp okuwçysy Nurmuhammet Ýazmuhammedow dagy gatnaşdylar.
Akyl-paýhas bäsleşiginiň IV möwsüminiň VIII saýlama oýnuna «Pähimdarlar geňeşiniň» agzalary hökmünde Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary we diplomatiýa kafedrasynyň uly mugallymy, filosofiýa ylymlarynyň kandidaty Begenç Karaýew, Magtymguly adyndaky Türkmen döwlet uniwersitetiniň Geografiýa kafedrasynyñ uly mugallymy Aýbölek Berdiýewa, institutymyzyň Halkara ykdysady gatnaşyklary kafedrasynyň mugallymy Nazar Meredow dagy adalatly eminlik etdiler.
Gyzgalaňly geçen bäsleşigiň netijelerine laýyklykda Lebap welaýatynyň Saýat etrabynyň 9-njy orta mekdebiniň 10-njy synp okuwçysy Kakajan Şöhradow hem-de Mary welaýatynyň Sakarçäge etrabynyň Şatlyk şäherindäki takyk we tebigy ugurlardan ýöriteleşdirilen 43-nji orta mekdebiniň 10-njy synp okuwçysy Nurmuhammet Ýazmuhammedow ýeňiş gazanmagy başardylar.
Akyl-paýhas bäsleşiginiň IV möwsüminiň VIII saýlama oýnuna Türkmenistanyň Magtymguly adyndaky Ýaşlar guramasynyň Merkezi Geňeşi we Türkmenistanyň Milli ýaý atyjylyk federasiýasy hemaýatkärlik etdiler. Ýeňijiler we bäsleşige gatnaşyjylar ýadygärlik sowgatlar bilen sylaglandylar. Şeýle-de olara institutymyzyň Hormat hatlary gowşuryldy.
«Parahatçylygyň ýaş çaparlary» atly akyl-paýhas bäsleşiginiň IV möwsüminiň VIII saýlama oýny Türkmenistanyň Telewideniýe, radiogepleşikler we kinematografiýa baradaky döwlet komitetiniň «Miras» teleradioýaýlymy hem-de Türkmenistanyň Daşary işler ministrliginiň Halkara gatnaşyklary institutynyň okuw studiýasy bilen bilelikde ýazgy edildi. Bäsleşik ýakyn günlerde «Miras» teleýaýlymynda tomaşaçylara ýetiriler.
Orazjemal ÇARYÝAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.