PARAHATÇYLYGYŇ HATYRASYNA MEDENI DIPLOMATIÝANYŇ ORNY ARA ALNYP MASLAHATLAŞYLDY
2025-nji ýylyň 25-nji dekabrynda Türkmenistanyň Daşary işler ministrliginiň Halkara gatnaşyklary institutynyň “Parahatçylyk medeniýeti” atly ÝUNESKO kluby tarapyndan “Parahatçylygyň hatyrasyna medeni diplomatiýanyň orny” atly maslahat geçirildi. Bu maslahata institutyň “Parahatçylyk medeniýeti” atly ÝUNESKO klubynyň işjeň agzalary we talyp ýaşlary gatnaşdylar. Çäräniň dowamynda parahatçylygy berkitmekde medeni diplomatiýanyň ähmiýeti, halklaryň arasynda özara düşünişmegi we ÝUNESKO-nyň bu ugurda alyp barýan işleri aýratyn nygtaldy.
Çykyş edenler ÝUNESKO-nyň halkara hyzmatdaşlygy pugtalandyrmakda, medeni mirasy gorap saklamak we parahatçylyk ideýalaryny giňden ýaýratmakda möhüm ähmiýetini belläp, Halkara parahatçylyk we ynanyşmak ýylynda bu ugry pugtalandyrmakda alnyp barlan işleriň netijeleri seljerildi.
Begenç PÄLWANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 1-nji ýyl talyby.