Pakistan Yslam Respublikasynyň ilçisi bilen geçirilen duşuşyk
2024-nji ýylyň 28-nji oktýabrynda Türkmenistanyň Daşary işler ministrliginiň Halkara gatnaşyklary institutynda bu ýokary okuw mekdebiň rektory Gülşat Ýusupowa bilen Pakistan Yslam Respublikasynyň Türkmenistandaky Adatdan daşary we Doly ygtyýarly ilçisi K.K.Ahsan Waganyň arasynda duşuşyk geçirildi.
Duşuşygyň barşynda taraplar Türkmenistan bilen Pakistanyň arasyndaky ikitaraplaýyn hyzmatdaşlygyň ileri tutulýan ugurlary, hususan-da, ylym-bilim ulgamyndaky hyzmatdaşlyk ara alnyp maslahatlaşyldy.
Şeýle hem ilçi institutyň çäginde hereket edýän «Türkmen diplomatiýasynyň taryhy» muzeýine, «Hindi burçuna», «Parahatçylyk medeniýeti» atly ÝUNESKO klubuna, «Ýaş diplomatyň sesi» atly elektron gazetiniň redaksiýasyna baryp, olar dogrusynda gyzykly maglumatlar bilen tanyşdy.
Hemragylyç NURMÄMMEDOW,
Türkmenistanyň Daşary işler ministrliginiň
Halkara gatnaşyklary institutynyň
Dünýä dilleri kafedrasynyň mugallymy.