Nusaý galasynyň taryhy ýadygärligine gezelenç
2023-nji ýylyň 20-nji oktýabrynda Türkmenistanyň Daşary işler ministrliginiň Halkara gatnaşyklary institutynyň “Parahatçylyk medeniýeti” ÝUNESKO klubynyň gurnamagynda “Ýaş diplomatlar” we “Paýhas we parasat” gurnaklarynyň agzalary bilen bilelikde Nusaý galasynyň taryhy ýadygärligine gezelenç gurnaldy.
Bilşimiz ýaly, Nusaý ýadygärlikler toplumy 2007-nji ýylda, ÝUNESKO-nyň Bütindünýä medeni mirasynyň sanawyna girizildi. Häzirki wagtda bu gadymy taryhy ýadygärlik dünýäniň dürli künjeginden gelýän syýahatçylaryň gelim-gidimli ýerine öwrüldi.
Nusaý galasynyň taryhy ýadygärligine guralan bu gezelenç gurnagyň agzalarynyň ХХII asyr mundan ozal ýaşap geçen ata-babalarymyzyň gadymy topraklary bilen has içgin tanyşmaklaryna uly itergi berdi. Ol ýerde ýaşlara Nusaý galasynyň taryhy aýratynlyklary barada has giňişleýin gürrüň berdiler. Bu gezelenç örän täsirli we ýatdan çykmajak pursatlara baý boldy.
Aýsona AMANJAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
1-nji ýyl talyby.