Ikinji oýna taýýarlyk
2023-nji ýylyň 30-njy oktýabrynda Türkmenistanyň Daşary işler ministrliginiň Halkara gatnaşyklar institutynda “Ýaş diplomatlar” mekdebiniň agzalary üçin okuw sapagy geçirildi. Okuw sapagyny “XVII-XVIII asyrlarda Sefewi döwletiniň taryhy we daşary syýasaty” atly temasy boýunça Türkmenistanyň Ylymlar akademiýasynyň Taryh we arheologiýa institutynyň baş gözlegçisi, taryh ylymlaryň kandidaty Orazpolat Ekäýew alyp bardy. Okuw sapagynyň dowamynda bilermen “Ýaş diplomatlar” mekdebiniň agzalaryna XVII-XVIII asyrlarda meşhurlyga eýe bolan Sefewi döwletiniň taryhy, onuň alyp baran daşary syýasaty barada ylma daýanýan, anyk maglumatlar esasynda giňişleýin düşünje berdi. Türkmenistanyň Ylymlar akademiýasynyň Taryh we arheologiýa institutynyň baş gözlegçisi, taryh ylymlaryň kandidaty Orazpolat Ekäýewiň şu günki çykyşy sapaga gatnaşan ýaşlarda, aýratyn-da, 8-nji noýabrda geçiriljek “Parahatçylygyň ýaş çaparlary” atly akyl-paýhas bäsleşiginiň III möwsüminiň 2-nji oýnuna gatnaşyjylaryň arasynda uly gyzyklanma döretdi.
Mähri GUZYÇYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
I ýyl talyby.