HALYPA MUGALLYMYŇ GATNAŞMAGYNDA YLMY-DÖREDIJILIK MASLAHATY GEÇIRILDI
2025-nji ýylyň 29-njy dekabrynda Türkmenistanyň Daşary işler ministrliginiň Halkara gatnaşyklary institutynda Halkara hukugy we deňeşdirme hukuk öwreniş kafedrasynyň «Ýaş hukukçylar» ylmy gurnagynyň guramagynda Halkara hukugy fakultetiniň magistrleriniň gatnaşmaklarynda «Türkmenistanyň hemişelik Bitaraplyk syýasaty, halkara parahatçylygyny, howpsuzlygyny we durnukly ösüşi üpjün etmekde halkara hukugynyň orny» atly ylmy-döredijilik maslaha ty geçirildi. Maslahaty Türkmenistanyň Kärdeşler arkalaşyklarynyň Milli merkeziniň bölüm müdiri, hukuk ylymlarynyň doktory, professor, Türkmenistanyň at gazanan ýuristi, Hormatly il ýaşulusy Myrat Haitow alyp bardy.
Ylmy-döredijilik maslahatynyň dowamynda professor Türkmenistanyň hemişelik Bitaraplygynyň hukuk derejesi, halkara parahatçylygyny, howpsuzlygyny üpjün etmekde BMG-niň orny, ýurdumyzda amala aşyrylýan durnukly ösüşi üpjün etmekde halkara hukugynyň ähmiýeti hem-de kämil Kanunlaryň kabul edilmeginiň döwletimiziň ykdysady, medeni, durmuş ugurlaryndaky ynamly ösüşlerini we ygtybarly öňe gitmegini kepillendirýändigi barada giňişleýin gürrüň berdi. Şeýle hem, professor ýurdumyzda kabul edilýän hukuknamalaryň halkara hukugynyň kadalaryna laýyk getirilýändigi we bu işleriň yzygiderli kämilleşdirilýändigini aýtmak bilen, häzirki wagtda halkaraçy hünärmenleriň ornuny aýratyn kesgitledi.
Şeýle duşuşyklaryň türkmen diplomatiýasynyň milli mekdebinde yzygiderli geçirilmegi ýaşlaryň hukuk düşünjeleriniň hem-de bu ugurda goşmaça bilim endikleriniň kämilleşmegine uly goşant goşýar.
Nurşat ESENOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hususy hukugy ugrunyň magistranty.