HALYPA DIPLOMATLAR BILEN TÄSIRLI GEÇEN DUŞUŞYK
2023-nji ýylyň 19-njy sentýabrynda Türkmenistanyň Daşary işler ministrliginiň Halkara gatnaşyklary institutynda Ýaş diplomatlar mekdebiniň agzalary, "Parahatçylygyň ýaş çaparlary" atly akyl-paýhas bäsleşiginiň I we II möwsüminiň dürli oýunlarynyň ýeňijileri bolan institutymyzyň talyplary bilen halypa diplomatlaryň arasynda duşuşyk geçirildi.
Duşuşyga halypa diplomatlar, ýagny Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary we diplomatiya kafedrasynyň müdiri, Adatdan Daşary we Doly ygtyýarly ilçi, Türkmenistanyň ussat diplomaty, filosofiýa ylymlarynyň kandidaty, taryh ylymlarynyň doktory, professor Amangeldi Rahmanow bilen Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary we diplomatiya kafedrasynyň uly mugallymy, Adatdan Daşary we Doly ygtyýarly ilçi Sapar Berdinyýazow gatnaşdylar.
Şeýle-de, bu duşuşyga "Parahatçylygyň ýaş çaparlary" atly akyl-paýhas bäsleşiginiň dürli möwsümlerinde çykyş etmek bilen, aýratyn tapawutlanyp, ýurdumyzdaky beýleki ýokary okuw mekdepleriniň talyplary bolan ýaş çaparlar hem gatnaşdylar. Duşuşykda, halypa diplomatlar ýaş çaparlar bilen özleriniň zähmet ýolunda toplan tejribelerini paýlaşdylar.
Şeýlelik-de, bu duşuşyk geljegini diplomatiýa hünärinde görýän ýaş çaparlarymyzyň hünär kämilligini artdyrmaklygyna uly mümkinçilik döretdi. Şular ýaly mümkinçilikleri döredýän Gahryman Arkadagymyzyň, Hormatly Prezidentimiziň tutýan belent tutumlary rowaçlygyň ak ýollarynda öz myradyny tapsyn!
Kadyrmyrat ÖWEZGYLYJOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby.