Halkara terjime güni
Her ýyl Halkara terjime güni terjimeçilere we dilçilere hormat goýmak üçin bellenilip geçilýär. Halkara terjime güni köp dilliligi ösdürmegi, terjimeçileriň we beýleki dil hünärmenleriniň köptaraplaýyn diplomatiýada möhüm ornuny görkezmegini maksat edinýär. Bilşiňiz ýaly, daşary ýurt dili halklary ýakynlaşdyrmakda, özara düşünişmekde we ynanyşmakda, halkara hyzmatdaşlygy ýola goýmakda, gepleşikleri ösdürmekde, parahatçylygy we howpsuzlygy üpjün etmekde möhüm orun tutýar.
BMG-niň Baş Assambleýasy 2017-nji ýylyň 24-nji maýynda halklary ýakynlaşdyrmak, parahatçylygy berkitmek we özara düşünişmegi ösdürmek maksady bilen 71/288 belgili Karary esasynda 30-njy sentýabry Halkara terjime güni diýaaaaaaaip yglan etdi.
Näme üçin 30-njy sentýabr? 30-njy sentýabr, terjimeçileriň howandary hasaplanýan, Injili terjime eden, Keramatly Jeromyň aradan çykmagy bilen baglydyr. Ol italiýaly ruhany bolupdyr. Keramatly Jerom Täze amenthtiň grek golýazmalaryndan Injiliň köp bölegini grek dilinden latyn diline terjime etmek bilen tanalýar.
Birleşen Milletler Guramasy 2005-nji ýyldan bäri her ýylda Keramatly Jeromyň hormatyna terjime bäsleşigini geçirýär. Bäsleşige BMG-da akkreditlenen hemişelik wekilhanalaryň işgärleri, hyzmatdaş uniwersitetleriň talyplary gatnaşýar. Bäsleşikde arap, hytaý, iňlis, fransuz, rus, ispan we nemes dillerine iň gowy terjimeleri sylaglandyrylýar.
Arap, hytaý, iňlis, fransuz, rus we ispan dilleri Birleşen Milletler Guramasynyň alty resmi dilidigi mälimdir. Iňlis we fransuz dilleri bolsa Birleşen Milletler Guramasynyň Sekretiaratynyň iş dilleri hökmünde ulanylýar.
Birnäçe dilleri bilmek dürli halklaryň medeniýetleriniň, däp-dessurlarynyň we taryhynyň aýratynlyklaryny öwrenmek üçin giň mümkinçilikler açýar. Şunuň bilen baglylykda, daşary ýurt dillerini öwrenmek Türkmenistanyň bilim ulgamynyň ileri tutulýan ugurlarynyň biridir. 2017-nji ýylyň 22-nji dekabrynda hormatly Prezidentimiziň Karary bilen Türkmenistanda daşary ýurt dillerini okatmagy kämilleşdirmegiň konsepsiýasynyň kabul edilendigini bellemelidiris.
Kerim BAÝMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 1-njy ýyl talyby.