HALKARA BILERMENIŇ GEÇIREN OKUW SAPAGY
2026-njy ýylyň 12-nji maýynda Türkmenistanyň Daşary işler ministrliginiň Halkara gatnaşyklary institutynda Gruziýanyň tehniki uniwersitetiniň Hukuk we halkara gatnaşyklary fakultetiniň mugallymy Wahtang Muradaşwiliniň gatnaşmagynda okuw sapagy geçirildi. Türkmen-gruzin ylym-bilim hyzmatdaşlygynyň çäklerinde guralan bu okuw sapagyna institutymyzyň Halkara hukugy fakultetiniň talyplary hem-de mugallymlary uly gyzyklanma bilen gatnaşdylar.
Okuw sapagynyň dowamynda bilermen halkara hukugynda kadalaryň döreýiş usuly, halkara hukugynyň esasy subýektleri, bu boýunça döwletleriň gatnaşyklary, şeýle-de milli hukuk bilen arabaglanyşygy barada gyzykly maglumatlary berdi.
Geçirilen okuw sapagy ilkinji nobatda Türkmenistan tarapyndan Birleşen Milletler Guramasynyň Baş Assambleýasynyň 80-nji sessiýasynda 2028-nji ýyly «Halkara hukugyň ýyly» diýip yglan etmek baradaky başlangyjyň öňe sürülmegine esas bolup, döwletimiziň halkara gatnaşyklary ulgamynda döwletleriň özara bähbitlerini goramak we dünýäde parahatçylygy gorap saklamak üçin hyzmat eder.
Sapagyň ahyrynda talyplar myhmana gyzykly maglumatlary özlerinde jemleýän sowallaryna täsirli jogaplaryny aldylar.
Ogulsuraý GURBANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 3-nji ýyl talyby