Gyzykly gezelenç
2022-nji ýylyň 28-nji martynda Türkmenistanyň Daşary işler ministrliginiň Halkara gatnaşyklary institutynyň guramagynda “Parahatçylygyň ýaş çaparlary” atly akyl-paýhas bäsleşiginiň I saýlama tapgyrynyň 6-njy oýnunyň öňüsyrasynda bäsleşige gatnaşyjy mekdep okuwçylary bilen Türkmenistanyň Garaşsyzlyk binasyna gezelenç gurnaldy.
Gezelenjiň dowamynda mekdep okuwçylaryna institutyň Jemgyýeti öwreniş ylymlary kafedrasynyň taryh mugallymlary tarapyndan bu ýerde heýkelleri oturdylan türkmen halkynyň meşhur taryhy şahslary barada gyzykly maglumatlar berildi. Aýratyn-da, Osmanly türkmen döwletiniň taryhynda uly orun alan we onuň gurujysy hökmünde tanalan, oguzlaryň kaýy taýpasyndan bolan Ärtogrul Gazy baradaky edilen gürrüňler okuwçylarda uly täsir galdyrdy. Häzirki wagtda bu taryhy şahsyýetleriň öwrenilmegine döredilen ähli mümkinçilikler okuwçylarda taryhymyza, ata-babalarymyza, milli aýratynlyklarymyza bolan buýsanç duýgularyny döretdi we gezelençde aýdylan maglumatlar ýaş çaparlar üçin ylmy gollanma boldy.
Gezelenjiň ahyrynda oňa gatnaşyjylar ýurdumyzda ýaş nesilleriň her biriniň ukyp-başarnyklaryny, zehin aýratynlyklaryny açyp görkezmäge, watançy ýaşlar bolup ýetişmäge döredilýän giň mümkinçilikler üçin Arkadagly Serdarymyza köp sagbolsun aýtdylar.
Kakageldi AKMYRADOW,
Aşgabat şäherindäki Saparmyrat Türkmenbaşy adyndaky
ýöriteleşdirilen
umumybilim berýän mekdep-internatynyň
11-nji synp okuwçysy.