Diplomatyň etikasyna bagyşlanan okuw sapagy
2023-nji ýylyň 11-nji aprelinde paýtagtymyzyň “Ýyldyz” myhmanhanasynda diplomat bolmagyň etiki ýörelgelerine bagyşlanan okuw sapagy geçirildi. Oňa Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary fakultetiniň talyplary gatnaşdylar. Bu treningi meşhur myhmanhananyň direktory Hajymuhammet Seýidow alyp bardy.
Okuw sapagynyň barşynda H.Seýidow talyplara diplomatik protokol we halkara etiketiniň umumy ykrar edilen ýörelgeleri, daşary ýurt myhmanlary garşylamagyň tertip-düzgünleri, restoranda we stol başynda özüňi alyp barmagyň kadalary, şeýle hem kabul edişlikleri gurnamagyň esaslary barada täsirli gürrüň berdi.
Duşuşygyň ahyrynda talyplar H.Seýidowa özlerini gyzyklandyrýan soraglary berip, degişli jogaplary aldylar.
Döwletýar ARÇAMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.