Daşky gurşawy goramagyň bütindünýä gününe bagyşlanan ylmy-amaly maslahat
2023-nji ýylyň 25-nji maýynda Seýitnazar Seýdi adyndaky Türkmen döwlet mugallymçylyk institutynyň Durnukly ösüş üçin ekologiýa bilimi ÝUNESKO kafedrasynyň guramagynda Arkadag Serdarly bagtyýar ýaşlar ýylynda bellenilýän Daşky gurşawy goramagyň bütindünýä güni mynasybetli ekologiýa ylmynyň wajyp meselelerine bagyşlanylan "Ýaşlaryň ekologiýa bilimi durnukly ösüşiň we ýagty geljegiň binýadydyr" atly ylmy-amaly maslahaty geçirildi. Oňa Türkmenistanyň Daşary işler ministrliginiň Halkara gatnaşyklary institutynyň mugallymlary we talyplar ýaşlary sanly ulgam arkaly gatnaşdylar.
Maslahatda çykyş edenler ekologiýa abadançylygynyň durnukly ösüş konsepsiýasynyň möhüm ugurlarynyň biridigini bellediler. Şeýle-de, maslahatyň dowamynda ýurdumyzda adamlaryň arasynda ekologik bilimleri giňden ýaýratmak, ekologiýa howpsuzlygy babatyndaky maglumatlar bilen ilaty habarly etmek, tebigaty goramagy wagyz-nesihat etmek meseleleri bilen baglanyşykly täsirli gürrüňler edildi.
Tawus NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.