Bütindünýä el ýuwmaklygyň güni mynasybetli onlaýn okuw sapagy
2021-nji ýylyň 15-nji oktýabrynda Bütindünýä el ýuwmaklygyň güni mynasybetli Aşgabat şäherinde we welaýatlarda ýerleşýän orta mekdepleriniň okuwçylarynyň, şeýle hem Durnukly ösüş maksatlarynyň “Ýaş ilçileriniň” gatnaşmagynda Türkmenistanyň Bilim ministrliginiň we Birleşen Milletler Guramasynyň Çagalar Gaznasynyň (UNICEF) Türkmenistandaky wekilhanasynyň guramagyndaky okuw sapaklary onlaýn arkaly ýokary guramaçylyk derejesinde geçirildi. Onuň esasy maksady ýurdumyzyň orta mekdepleriniň okuwçylarynda arassaçylygyň ähmiýeti we sagdyn durmuş ýörelgeleri barada bilimleri artdyrmak boldy.
Durnukly ösüş maksatlarynyň “Ýaş ilçileriniň” alyp barmagynda geçirilen okuw sapaklary özüniň täsirliligi bilen aýratyn tapawutlandy. Onuň barşynda arassaçylygyň we sagdyn durmuş ýörelgeleriniň ähmiýeti dogrusynda anyk mysallar arkaly gürüň edildi. Şeýle hem, mekdep okuwlary sapagyň dowamynda özlerini gyzyklandyrýan soraglar bilen ýüzlenmäge giň mümkinçilikler aldylar.
Arslankerim KERIMOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň talyby.