AKYL-PAÝHAS BÄSLEŞIGINIŇ NOBATDAKY SAÝLAMA OÝNY GEÇIRILDI
2025-nji ýylyň 12-nji fewralynda Türkmenistanyň Daşary işler ministrliginiň Halkara gatnaşyklary institutynda «Parahatçylygyň ýaş çaparlary» atly akyl-paýhas bäsleşiginiň «Bitarap Türkmenistanyň parahatçylygy dörediji diplomatiýasy: netijeli hyzmatdaşlygyň we durnukly ösüşiň ygtybarly guraly» atly umumy şygar astynda geçirilýän IV möwsüminiň V saýlama oýny geçirildi. Akyl-paýhas bäsleşiginiň nobatdaky saýlama oýny «Türkmenistanyň ykdysady diplomatiýasy: milli rowaçlygyň, ählumumy abadançylygyň we durnukly ösüşiň hatyrasyna hyzmatdaşlygyň nusgasy» atly tema bagyşlanyldy.
«Parahatçylygyň ýaş çaparlary» atly akyl-paýhas bäsleşiginiň IV möwsüminiň V saýlama oýnuna Aşgabat şäheriniň 52-nji orta mekdebiniň 12-nji synp okuwçysy Söýenç Aşirow, Mary welaýatynyň Sakarçäge etrabynyň 29-njy orta mekdebiniň 12-nji synp okuwçysy Atajan Begdurdyýew, Lebap welaýatynyň 18-nji orta mekdebiniň 12-nji synp okuwçysy Sylapberdi Çaryýew, Aşgabat şäheriniň Büzmeýin etrabynyň 98-nji orta mekdebiniň 12-nji synp okuwçysy Güýçmyrat Gulamow, Ahal welaýatynyň Ak bugdaý etrabynyň 1-nji orta mekdebiniň 12-nji synp okuwçysy Döwletnazar Haknazarow, Aşgabat şäheriniň matematika, iňlis dili okuw derslerini çuňlaşdyryp öwredilýän ýöriteleşdirilen 49-njy orta mekdebiniň 12-nji synp okuwçysy Mähri Myradowa, Dașoguz welaýatynyň Daşoguz şäheriniň ýöriteleşdirilen 26-njy orta mekdebiniň 12-nji synp okuwçysy Selim Otuzow, Aşgabat şäherindäki dil derslerini çuňlaşdyryp öwredýän ýöriteleșdirilen 87-nji orta mekdebiniň 12-nji synp okuwçysy Mekan Öräýew dagy gatnaşdylar.
Akyl-paýhas bäsleşiginiň IV möwsüminiň V saýlama oýnuna «Pähimdarlar geňeşiniň» agzalary hökmünde Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary we diplomatiýa kafedrasynyň uly mugallymy, filosofiýa ylymlarynyň kandidaty Begenç Karaýew, Türkmen döwlet maliýe institutynyň Maliýe kafedrasynyň uly mugallymy Merjen Amanowa, Türkmenistanyň Söwda we ykdysady gatnaşyklary ministrliginiň içerki we daşarky bazarlarda haryt dolanyşygyny öwreniş müdirliginiň bölüminiň başlygy Batyr Berdiýew dagy adalatly eminlik etdiler.
Gyzgalaňly geçen bäsleşigiň netijelerine laýyklykda, Lebap welaýatynyň 18-nji orta mekdebiniň 12-nji synp okuwçysy Sylapberdi Çaryýew hem-de Aşgabat şäheriniň Büzmeýin etrabynyň 98-nji orta mekdebiniň 12-nji synp okuwçysy Güýçmyrat Gulamow ýeňiş gazanmagy başardylar.
Akyl-paýhas bäsleşiginiň IV möwsüminiň V saýlama oýnuna Türkmenistanyň Magtymguly adyndaky Ýaşlar guramasynyň Merkezi Geňeşi we Türkmenistanyň Milli ýaý atyjylyk federasiýasy hemaýatkärlik etdiler. Ýeňijiler we bäsleşige gatnaşyjylar ýadygärlik sowgatlar bilen sylaglandylar. Şeýle-de olara institutymyzyň Hormat hatlary gowşuryldy.
«Parahatçylygyň ýaş çaparlary» atly akyl-paýhas bäsleşiginiň IV möwsüminiň V saýlama oýny Türkmenistanyň Telewideniýe, radiogepleşikler we kinematografiýa baradaky döwlet komitetiniň «Miras» teleradioýaýlymy hem-de Türkmenistanyň Daşary işler ministrliginiň Halkara gatnaşyklary institutynyň okuw studiýasy bilen bilelikde ýazgy edildi. Bäsleşik ýakyn günlerde «Miras» teleýaýlymynda tomaşaçylara ýetiriler.
Orazjemal ÇARYÝAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.