Üçünji Antalýa diplomatiýa forumyna bagyşlanan duşuşyk
2024-nji ýylyň 11-nji martynda Türkmenistanyň Daşary işler ministrliginiň Halkara gatnaşyklary institutynyň “Parahatçylyk medeniýeti” atly ÝUNESKO klubynyň agzalarynyň gatnaşmagynda üçünji Antalýa diplomatiýa forumynyň netijelerine bagyşlanan duşuşyk geçirildi. Bilşimiz ýaly, üçünji Antalýa diplomatik forumy häzirki döwrüň diplomatiýasy barada pikir alyşmak we maslahatlaşmak üçin iň uly platforma bolup, bu ugurda alnyp barylýan işleri çaklamak, derňemek we öňe sürmek möhümdir. Hut şu maksat bilen filosofiýa ylymlarynyň kandidaty O. Ezimowa “Parahatçylyk medeniýeti” atly ÝUNESKO klubynda talyplar bilen duşuşyp, bu wakanyň ähli möhüm taraplaryny açyp görkezdi we ara alyp maslahatlaşdy. Duşuşygyň möhüm bölegi, türkmen halkynyň Milli Lideri, Türkmenistanyň Halk Maslahatynyň başlygy Gahryman Arkadagymyzyň çykyşynyň ähmiýetini ara alyp maslahatlaşmak boldy. Talyplar halypa mugallymyň pikirini uly gyzyklanma bilen diňlediler we söhbetdeşlige işjeň gatnaşdylar. Duşuşyk talyplara bilimlerini giňeltmäge we syýasy sowatlylygyny ýokarlandyrmaga mümkinçilik berdi.
Mähriban GARLYÝEWA,
Türkmenistanynyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.