Ýaşulularyň Halkara güni
1990-ýylyň 14-nji dekabrynda Birleşen Milletler Guramasynyň Baş Assambleýasy her ýylyň 1-nji oktýabryny «Ýaşulularyň Halkara güni» diýip yglan etdi. Yglan edilen ýylyndan bäri bu baýramçylyk dünýäniň ähli künjeklerinde bellenilip geçilýär. Baýramçylyk mynasybetli dürli görnüşdäki medeni çäreler guralyp, olaryň çäginde ýaşuly adamlaryň ýaşaýan jemgyýetleriniň işine goşan goşantlary barada habarlylygy ýokarlandyrmak ýaly birnäçe işler alnyp barylýar.
Her ýylyň 1-nji oktýabrynda Watanymyzda hem «Ýaşulularyň Halkara güni» giňden bellenilip geçilýär. Bu ýyl hem hormatly Prezidentimiz bu baýramçylyk mynasybetli Garaşsyz, hemişelik Bitarap Türkmenistanyň
ýaşuly nesillerine hem-de ähli halkyna özüniň Gutlagyny iberdi. Hormatly Prezidentimiziň Gutlagynda: «Ýaşulularyň halkara güni biziň düýnümizi, şu
günümizi hem-de geljegimizi, döwürleri we nesilleri baglanyşdyrýan baýramdyr» diýip bellenilýär.
BMG-niň Baş Assambleýasy tarapyndan ýaşuly adamlaryň ýagdaýyna jemgyýetçilik ünsüni çekmek maksady bilen kabul edilen ýörite Resminama laýyklykda, halkara derejesinde bellenip geçilýän bu baýramçylyk öz gezeginde ýurdumyzyň jemgyýetçilik durmuşynda mynasyp orun eýeleýär.
Bereket ÖWEZGELDIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.