«ÝAŞLARY TELEKEÇILIGE ÇEKMEK» ATLY OKUW SAPAGY GEÇIRILDI
2024-nji ýylyň 22-nji oktýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň guramagynda «Türkmenistanyň telekeçileri tarapyndan öndürilýän harytlary dünýä bazarlaryna çykarmakda halkara marketingiň orny» atly okuw sapagy geçirildi. Bu okuw sapagyny Türkmenistanyň Senagatçylar we telekeçiler partiýasynyň agzasy Abdyrahman Agajykow alyp bardy. Okuw sapagynyň dowamynda milli ykdysadyýetimizi diwersifikasiýa ýoly bilen ösdürmegiň çäklerinde daşary ýurtlardan getirilýän önümleriň ornuny tutýan harytlaryň önümçiligini artdyrmak, ýurdumyzyň eksport harytlarynyň möçberini köpeltmek, elektron senagaty döretmek boýunça gürrüň edildi. Şeýle-de talyplar özlerini gyzyklandyrýan soraglaryna jogap tapdylar hem-de telekeçilik we ykdysady diplomatiýa baradaky bilimlerini artdyrdylar.
Begli SULTANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.