“Ýaş ykdysatçylar ylmy gurnagynyň ýanyndaky çözgütleriň gözleginde” diýen tegelek stol duşuşygy geçirildi
2024-nji ýylyň 13-nji dekabrynda Türkmenistanyň Daşary işler ministrliginiň Halkara gatnaşyklary institutynda Halkara ykdysady gatnaşyklary kafedrasynyň “Ýaş ykdysatçylar ylmy gurnagynyň ýanyndaky çözgütleriň gözleginde” diýen tegelek stol duşuşygy geçirildi. Duşuşygy Halkara ykdysady gatnaşyklary fakultetiniň talyby Resul Gylyjow alyp bardy we oňa 4 sany mugallym, 14 sany talyp, 1 sany magistrant gatnaşdy.
Duşuşykda R.Gylyjow serediljek soraglar bilen agzalary tanyş etdi. Soňra duşuşygyň maksady esasynda talyplara we magistrantlara öz pikirlerini jemlemegi hem-de olara degişli çözgütleri kabul etmegi tabşyrdy. Tegelek stoluň başynda soraglar boýunça gatnaşyjylar öz pikirlerini beýan etdiler.
Duşuşykda Halkara ykdysady gatnaşyklary kafedrasynyň mugallymlary Mährijemal Mämedowa, Aýna Sätgeldiýewa we Halkara ykdysady gatnaşyklary fakultetiniň talyplary Resul Gylyjow, Oraztäç Çapaýewa, Kerim Serdarow, Muhammetguly Kulyýew dagylar öz pikirlerini beýan etdiler. Şeýle-de gozgalan sorag boýunça gatnaşyjylaryň teklipleri diňlenildi.
Duşuşygy Halkara ykdysady gatnaşyklary kafedrasynyň dosenti, tehniki ylymlarynyň kandidaty Öwezmyrat Bäşimow jemledi.
Agahan AGAHANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
IV ýyl talyby.