ÝAŞ WAGYZÇYLAR BILEN OKUW SAPAGY GEÇIRILDI
2025-nji ýylyň 16-njy aprelinde Türkmenistanyň Daşary işler ministrliginiň
Halkara gatnaşyklary institutynda ýurdumyzda şu ýylyň 4–8-nji awgustynda «Awaza»
milli syýahatçylyk zolagynda geçjek Birleşen Milletler Guramasynyň Deňze
çykalgasy bolmadyk ösüp barýan döwletleriň III maslahatyna bagyşlanan okuw
sapagy geçirildi. Bu okuw sapagyna ähli ýokary okuw mekdepleriniň
mugallymlarydyr talyp ýaşlaryndan saýlanan ýaş wagyzçylar gatnaşdy. Okuw
sapagyny «Türkmen logistika» assosiasiýasynyň başlygynyň orunbasary Sapa
Gurbanberdiýew alyp baryp, ol Türkmenistan döwletimiziň dünýä yklymlarynyň
çatrygynda örän amatly ýerde ýerleşmegi bilen halkara ulag we üstaşyr geçelgesini
döretmäge, ýurdumyzyň ulag ulgamynyň dünýäniň ulag ulgamyna goşulyşmagyna,
hyzmatdaş ýurtlar bilen söwda-ykdysady, medeni-ynsanperwer gatnaşyklary has-da
giňeltmäge mümkinçilik berýändigini belläp, globallaşma şertlerinde Türkmenistanyň
üstaşyr ulag-logistika geçelgeleriniň sebitiň ykdysadyýetine ýetirýän täsiri
dogrusynda gürrüň berdi.
Gurbansähet GURBANSÄHEDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň IV ýyl talyby.