ÝAŞ DIPLOMATLARYŇ MEKDEBINIŇ AGZALARYNYŇ GATNAŞMAGYNDA NOBATDAKY OKUW SAPAGY
2022-nji ýylyň 22-nji aprelinde Türkmenistanyň Daşary işler ministrliginiň Halkara gatnaşyklary institutynda “Türkmenistanyň ulag strategiýasyny durmuşa geçirmegiň sebit we dünýä ykdysadyýetindäki ähmiýeti” barada Ýaş diplomatlaryň mekdebiniň agzalarynyň gatnaşmagynda okuw sapagy geçirildi.
Bu okuw sapagynda Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň uly mugallymy Perhat Çaryýew gatnaşyjylara Türkmenistanyň ulag diplomatiýasynyň ýeten sepgitleri barada giňişleýin sapak geçdi. Sapagyň dowamynda halkara ykdysady gatnaşyklarynda ulag diplomatiýasynyň orny we onuň ähmiýeti barada gyzykly maglumatlar berildi. Sapagyň ahyrynda gatnaşyjylar özlerini gyzyklandyrýan sowallary bilen ýüzlendiler.
Resul GYLYJOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
I ýyl talyby.