Ýaş diplomatlaryň mekdebiniň agzalary bilen okuw sapagy geçirildi
2023-nji ýylyň 20-nji martynda Türkmenistanyň Daşary işler ministrliginiň Halkara gatnaşyklary institutynda institutyň garamagynda hereket edýän Ýaş diplomatlaryň mekdebiniň agzalary bilen “Девиз года – ориентир счастливому будущему” atly tema boýunça okuw sapagy geçirildi. Okuw sapagyna Ýaş diplomatlaryň mekdebiniň agzalary bolan okuwçylar we talyp ýaşlar gatnaşdylar.
Okuw sapagynda Dünýä dilleri kafedrasynyň öwreniji mugallymy Nazar Niýazow rus dilinde çykyş edip, 2023-nji ýylyň “Arkadag Serdarly bagtyýar ýaşlar” şygarynyň syýasy-jemgyýetçilik ähmiýetini we many-mazmunyny açyp görkezdi, rejelenen görnüşli «Ýaşlar barada döwlet syýasaty hakynda» Türkmenistanyň Kanuny barada gürrüň berdi.
Bu okuw sapagy ýaşlaryň Berkarar döwletiň täze eýýamynyň Galkynyşy döwründe Mähriban Watanymyzyň durmuş-ykdysady ösüşindäki ornuna düşünmeklerinde uly ähmiýete eýe boldy.
Nazar NIÝAZOW,
Türkmenistanyň Daşary işler ministrliginiň
Halkara gatnaşyklary institutynyň mugallymy