“Ýaş diplomatlaryň” mekdebiniň agzalary bilen okuw sapagy geçirildi
2023-nji ýylyň 10-njy martynda Türkmenistanyň Daşary işler ministrliginiň Halkara gatnaşyklary institutynda institutyň garamagynda hereket edýän “Ýaş diplomatlaryň” mekdebiniň agzalary bilen “Gadymy Ariý we Hindistan siwilizasiýalary: diplomatiýanyň ruhy-ahlak binýatlary” atly tema boýunça okuw sapagy geçirildi. Okuw sapagyna “Ýaş diplomatlaryň” mekdebiniň agzalary bolan okuwçylar we talyp ýaşlar gatnaşdylar.
Okuw sapagynda Türkmenistanyň Medeniýet ministrliginiň Teatr we tomaşa edaralary bölüminiň başlygynyň orunbasary Baýramgeldi Çaryýew çykyş edip, Ariýleriň we Hindistanyň taryhy, diplomatiýasy we medeniýeti, türkmen-hindi gatnaşyklarynyň taryhy kökleri barada gürrüň berdi. Bu okuw sapagy ýaşlaryň taryhy we medeniýeti öwrenmäge bolan gyzyklanmalaryny artdyrmakda we ýaşlarda watansöýüjilik, zähmetsöýerlik we wepalylyk duýgularyny ösdürmekde uly ähmiýete eýe boldy.
Hojamyrat BAÝLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby,
“Parahatçylygyň ýaş çaparlary” akyl-paýhas
bäsleşiginiň I möwsüminiň ýeňijisi.