ÝAŞ DIPLOMATLARYŇ MEKDEBINIŇ AGZALARY BILEN DÖREDIJILIK DUŞUŞYGY GEÇIRILDI
2024-nji ýylyň 25-nji dekabrynda Türkmenistanyň Daşary işler ministrliginiň Halkara gatnaşyklary institutynyň garamagyndaky Ýaş diplomatlaryň mekdebiniň döredijilik, okuw we ylmy işleriniň meýilnamasyna laýyklykda, “Türkmenistanyň kanunçylyk ulgamynyň kämilleşmegi” temasyna bagyşlanan döredijilik duşuşygy geçirildi.
Bu okuw sapagyny Halkara hukugy we deňeşdirme hukuk öwreniş kafedrasynyň uly mugallymy Dürli Ballyýewa alyp bardy. Onuň dowamynda Ýaş diplomatlaryň mekdebiniň agzalaryna ýurdumyzda döwrüň ösýän talaplaryna laýyk gelýän kanunlaryň kabul edilmeginiň Türkmenistanyň kanunçylyk binýadyny yzygiderli berkitmäge ýardam edýändigi, hormatly Prezidentimiziň halkyň ýaşaýyş-durmuş derejesini has-da ýokarlandyrmak boýunça alnyp barylýan işleriň hukuk esaslaryny pugtalandyrmak maksady bilen, milli kanunçylygy halkara hukugyň kadalaryna laýyklykda yzygiderli kämilleşdirmekligi dowam etdirmeginiň möhümdigi barada yzygiderli belleýändigi hakynda giňişleýin gürrüň edildi.
Merjen GURBANNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.