Ýaş diplomatlar mekdebiniň agzalary üçin test synagy geçirildi
2022-nji ýylyň 28-nji fewralynda Türkmenistanyň Daşary işler ministrliginiň Halkara gatnaşyklary institutynda Ýaş diplomatlar mekdebiniň agzalarynyň zehin başarnyklaryny barlamak maksady bilen test synagy geçirildi. Bu synaga Ýaş diplomatlar mekdebiniň agzalaryndan jemi 44-si gatnaşdy. Ýaş diplomatlar mekdebiniň agzalaryna dünýä taryhy, Türkmenistanyň taryhy, türkmen edebiýaty, rus we iňlis dili dersleri boýunça soraglar berildi. Test synagynyň netijeleri boýunça soraglara üstünlikli jogap beren agzalaryň iň zehinlileri ýüze çykarylar.
Batyr ESENOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.