“WATANYŇ DAÝANJY-BILIMLI ÝAŞLAR, ARKADAGLY GAHRYMAN SERDARYŇ GUWANJY ÝAŞLAR!” ATLY OLIMPIADA GEÇIRILDI
2024-nji ýylyň 8-nji aprelinde Türkmenistanyň Daşary işler ministrliginiň Halkara gatnaşyklary institutynda Birleşen Milletler Guramasy tarapyndan yglan edilen Bilimler güni mynasybetli institutyň Magtymguly adyndaky Ýaşlar Guramasynyň Merkezi geňeşi bilen bilelikde ýurdumyzyň orta mekdepleriniň 11-nji synp okuwçylarynyň arasynda “Watanyň daýanjy-bilimli ýaşlar, Arkadagly Gahryman Serdaryň guwanjy ýaşlar!” atly Türkmenistanyň taryhy, matematika, türkmen dili, iňlis dili dersleri boýunça olimpiada geçirildi.
Bäsleşige ýurdumyzyň orta mekdeplerinden 469 sany okuwçy gatnaşdy. Bäsleşigiň I tapgyrynyň jemleri boýunça 40 baldan ýokary bal bilen Aşgabat şäherinden 81, Ahal welaýatyndan 24, Lebap welaýatyndan 32, Daşoguz welaýatyndan 26, Mary welaýatyndan 42, Balkan welaýatyndan 32 okuwçy bäsleşigiň 22-nji aprelinde geciriljek ikinji tapgyryna gatnaşmaga hukuk gazandylar.
Suraý AKMYRADOWA,
Türkmenistanyň Daşary işler ministrliginiň
Halkara gatnaşyklary institutynyň mugallymy.